Shri Yamunashtak by Shri Hita Harivansh Mahaprabhu

ব্রজাধিরাজ – নন্দনাম্বুদাভ গাত্র চন্দনা-
নুলেপ গন্ধ বাহিনীং ভবাব্ধি বীজ দাহিনীম্।
জগত্ত্রয়ে যশস্বিনীম্ লসৎসুধা পয়স্বিনীম্-
ভজে কালিন্দ নন্দিনীম্ দুরন্ত মোহ ভঞ্জনীম্॥১॥

রসৈকসীম রাধিকা পদাব্জভক্তি সাধিকাম্
তদঙ্গ-রাগ পিঞ্জর প্রভাতি পুঞ্জ মঞ্জুলাম্।
স্বরোচিষাতি শোভিতাম্ কৃতাম্ জনাধিগঞ্জনাম্-
ভজে কালিন্দ নন্দিনীম্ দুরন্ত মোহ ভঞ্জনীম্॥২॥

ব্রজেন্দ্র সূনু রাধিকাহৃদিপ্রপূর্ণমাণযোঃ
মহা রসাব্ধি পূরযো রিবাতি তীব্র বেগতঃ।
বহিঃ সমুচ্ছলন্নব প্রবাহ রূপিণীমহম্-
ভজে কালিন্দ নন্দিনীম্ দুরন্ত মোহ ভঞ্জনীম্॥৩॥

বিচিত্র রত্ন বদ্ধ সত্তটদ্বয় শ্রিযোজ্জ্বলাম্
বিচিত্র হংস সারসাদ্যনন্ত পক্ষি সঙ্কুলাম্।
বিচিত্র মীন মেখলাম্ কৃতাতি দীন পালিতাম্-
ভজে কালিন্দ নন্দিনীম্ দুরন্ত মোহ ভঞ্জনীম্॥৪॥

বহন্তিকাং শ্ৰিযাং হরের্মুদা কৃপা স্বরূপিণীম্
বিশুদ্ধ ভক্তিমুজ্জ্বলাং পরে রসাত্মিকাং বিদুঃ।
সুধা শ্রুতিত্বলৌকিকীং পরেশ বর্ণ রূপিণীম্-
ভজে কালিন্দ নন্দিনীম্ দুরন্ত মোহ ভঞ্জনীম্॥৫॥

সুরেন্দ্র বৃন্দ বন্দিতাং রসাদধিষ্ঠিতে বনে
সদোপলব্ধ মাধবাদ্ভুতৈক সদৃশোন্মদাম্।
অতীব বিহ্বলামিব চ্চলত্তরঙ্গ দোর্লতাম্-
ভজে কালিন্দ নন্দিনীম্ দুরন্ত মোহ ভঞ্জনীম্॥৬॥

প্রফুল্ল পঙ্কজাননাং লসন্নবোৎপলেক্ষণাং
রথাঙ্গনাম যুগ্ম কস্তনীমুদার হংসিকাম্।
নিতম্ব চারু রোধসাং হরের প্রিয়া রসোজ্জ্বলাম্
ভজে কালিন্দ নন্দিনীম্ দুরন্ত মোহ ভঞ্জনীম্॥৭॥

সমস্ত বেদ মস্তকৈরগম্য বৈভাবাং সদা
মহা মুনীন্দ্র নারদাদিভিঃ সদৈব ভাবিতাম্।
অতুল্য পামরৈরপি শ্রিতাং পুমর্থ শারদাম্
ভজে কালিন্দ নন্দিনীম্ দুরন্ত মোহ ভঞ্জনীম্॥৮॥

য এতদষ্টকং বুধঃ ত্রিকাল মাদৃতঃ পাঠেত্
কালিন্দ নন্দিনীম্ হৃদা বিচিন্ত্য বিশ্ব বন্দিতাম্।
ইহৈব রাধিকা পতেঃ পদাব্জ ভক্তিমুত্তমা-
মবাপ্য স ধ্রুবং ভবেত্ পরত্র তত্প্রিয়ানুগঃ॥৯॥





If you find any error or discrepancy, feel free to contact via email info@shriradha.net.